Munaasabadda Wareejintaan doomanka iyo xiritaanka tababarkii loo qabtay Iskaashatooyinka Kalluumeysiga Hirshabeele,Koonfur Galbeed iyo Gobolka Banaadir oo ka dhacday Muqdisho waxaa masuuliyiintii ka qayb gashay ka mid ahaa wasiir ku xigeenka wasaaradda Kalluumeysiga iyo Khayraadka Badda mudane Cabdullaahi Cumar Abshiroow , Serge Tissot Wakiilka Soomaaliya u qaabilsan FAO , John Purvis Madaxa Qaybta Kalluumeysiga ee FAO ,Iidle Siyaar wasiirka Kalluumeysiga ee Hirshabeelle ,Xasan Maxamed Rooble guddoomiyaha Iskaashatooyinka Gobolka Banaadir.
Kalluumeeysatadan maanta doomaha iyo qalabka lagu wareejiyay ayaa kala socday toban Iskaashato oo ka jira gobolka Banaadir , Hirshabeelle iyo Koonfurgalbeed Soomaaliya , waxaana la siiyay doomo casriya oo cabirkoodu yahay 7.5 iyo 8.5 iyo waliba dhamaan qalabka lagu Kalluumaysto oo dhameyntiran oo uu jiro .
Xasan Maxamed Rooble guddoomiyaha Iskaashatooyinka Gobolka Banaadir oo munaasabada hadal ka jeediyay ayaa sheegay in iskaashatooyinku ay is garabsadaan,ayna istaageeraan,isagoo xusay in qofkasta doonta la siiyay uusan lahayn balse lagula xisaabtamidoono,iyadoo maamulka Iskaashatooyinkuna ay soo gudbin doonaan wixii warbixino ah oo ka yimaada doomankaasi la qeybiyay.
Serge Tissot Wakiilka Soomaaliya u qaabilsan FAO oo isna madasha ka hadlay ayaa sheegay in Hey’aada FOA ay garabtaan tahay Kalluumeysada Soomaaliyeed , isagoona intaas raaciyay in saddexdii biloodba lagu kor joogtayn doono Kalluumeeysada doomaha iyo qalabka lagu wareejiyay lagula xisaabtami dooni
Wasiir kuxigeenka Wasaaradda Kalluumeysiga iyo Khayraadka Badda mudane Cabdullaahi Cumar Abshiroow ayaa talo iyo dardaaran u soo jeediyay kalluumeeysatadan tababarkan u soo xirmayay ee doomaha lagu wareejinayay isagoona sheegay in laguma xisaabtami doono qof walba waxaa maanta loo dhiibo
Wasiirka ayaa waxaa uu intaan ku daray in Iskaashaatadii ama qofkii doomaha iyo qalabkan la siiyay ilaashata in wasaaradda iyo Hey’aada FOA ay ku abaal marin doono qalab iyo wax kasta oo ay u baahan yihiin .
.
