Deeqdaan oo aheyd mid zakaatul fidriya ayaa wasaarada dib udajinta
daryeelka naafada iyo agoonta Galmudug waxa ay maanata gaarsiisay
boqalaal ruux oo isgu jiray agoon naafo iyo qoysas danyar ah oo ku
nool magaalada galkacyo.
Xabiibo maxamuud cabdi koofuroow oo ku hadlaysay magaca ururka
daryeelka agoonta ee xanaano oo deeqdaan soo dhiibay ayaa ugu horeyn
ka warbixisay deeqda iyo sidoo kale kaalinta ururkaani uu ka qaato
waxbarida iyo daryeelka agoonta ku nool guud ahaan degaanada Galmudug.
Wasiirka wasaarada dib udajinta daryeelka naafada iyo agoonta cabdi
muncin Amaan sheekh cali samatar ayaa isna sheegay in ka wasaarad
ahaan ay xooga saari doonaan ka warqabista baahiyada naafada iyo
agoonta isagoo dhanka kalana uga mahad celiyay ururka xanaano kaalinta
ay ka qaateen waxbarida iyo daryeelka agoonta ku nool guud ahaan
deegaanada Galmudug.
Qaar ka mida dadkii deeqda la gaarsiiyay ayaa iyaguna ka mahad celiyay
ayagoona sheegay in ay baaho weyn u qabeen.
