Wasaarada Waxbarashada Hiddaha & Tacliinta Sare ee Dawlada Federaalka
Soomaaliya (DFS), waxaa ay qabatay kulankii ugu horeeyey ee Wasaaraha
Waxbarashada kaa soo ka dhacay Meel ka baxsan Caasimadda Soomaalya,
iyadoo ay ka soo qayb-galeen Wasiiradda iyo Agaasimayaasha Guud ee
Wasaaradaha Waxbarashada Dawlad Goboleedyada Jubbaland, Koonfur
Galbeed, Galmudug iyo Hirshabeele, kaasoo markii ugu horaysay lagu
qabtay Caasimada Galmudug ee Dhusamareb 16-17-4-2018.
Kulanka waxaa si rasmi ah u furay Madaxa Golaha Wasiirada Dawlad
Goboleedka Galmudug Munade Sh. Maxamed Shaakir Cali Xassan iyo Wasiir
ku-xigeenka Wasaaradda Waxbarashada, Hiddaha iyo Tacliinta Sare Mudane
Xildhibaan Faysal Cumar Guuleed.
Related posts
Qaar ka mid ah Qodabadii la isku raacay iyo War-murtiyeedka ayaa waxaa
Warbaahinta u aqriyey Agaasimaha Wasaaradda Waxbarashada, Hiddaha iyo
Tacliinta Sare ee Soomaaliya Mudane Xassan Maxamed Cali.
Dhinaca kale Qodobada la isla meel dhigay ayaa ka mid ah in Iskuulada
loo daayo Magacyadii Horay Dawladu ugu bixisay iyo in la tayeeyo
Wasaaradaha Waxbarashada Dawlad Goboleedyada Dalka sidoo kalana
Xarumaha Maamul Goboledya lagu qaba doono Shirarka ay yeelanayaan
Wasaaradda Waxbarashada, Hiddaha iyo Tacliinta Sare ee Dalka.
W/D Maxamed Deeq Cabdi Maxamed
