Shirka olalaha ceymiska xoolaha oo ay iska kaashanayaan Wasaaradaha Xanaanada Xoolaha dowladda Fedaraalka iyo tan dowlad gobaleedka Galmudug oo uu maalin galinayo Bankiga Adduunka (World Bank) ayaa maanta ka furmay magaalada Gaalkacyo ee xarunta gobalka Mudug.
Shirkaan oo ay daadihinayeen mudada uu socdo kambaniga ZEP-RE ayaa waxaa ka qeyb galaya Xubno ka socda Maamulka dagmada Gaalkacyo Madax ka socday Bankiyada Dalka iyo xubno matalayay Qeybaha Bulshada
Guddoomiye ku xigeenka dagmada Gaalkacyo injineer Maxamed Cabdi Cilmi oo ka warbixiyay ahmiyada shirkaan u uleeyahay Bad baadinta Xoolaha ayaa sheegayn in faa’iido weyn uu dalka iyo dadka gaar ahaan xoola dhaqatada ugu jirto in la helo Ceymis dhanka xoolaha ah maadaama soomaalidu ay tahay xoolo dhaqato
Isku duwaha Wasaarada Xanaanada Xoolaha Galmudug ee Gobalka Mudug Cismaan Cadceed ayaa isna sheegay ka Wasaarad ahaan in ay xoogga saari doonaan in uu miro dhalo qorshaha la xariira Ceymiska Xoolaha ayna uga Mahad celinayaan Wasaaradda Xanaanada Xoolaha dowladda Fadaraalka Soomaaliya World Bank iyo kambaniga ZEP-RE oo ka wakiil ah Wasaaradaha heer Fedaraal iyo heer dowlad gobaleed
Qaar ka mid ah xubnihii ka socday kambaniyada iyo ururada bulshada ayaa iyaguna bogaadiyay olalaha ceymiska xoolaha.
