Wasaradda arrimaha gudaha, Federaalka iyo dib u heshiisiinta Galmudug ayaa maanta kulan isugu keentay dhallinyaro laga soo xuley degmooyinka Galmudug oo loo tababarayo ka shaqeynta nabada iyo isku soo dhaweynta bulshada wada dagan ee dariska ah, sidoo kale dhallinyarada ayaa lagu baraarujinayaa in ay qaybtooda ka qaataan dib u xoreynta dalka iyo la dagaalanka argagaxisada oo iminka wajaheysa dagaallo Culus.
Cumar Guure Agaasimaha guud ee Wasaaradda arrimaha gudaha Galmudug ayaa kula dardaarmay dhallinyaradan qaadashada doorkooda nabada iyo garab istaagida howlgalada dib u xoreynta deegaanada ay ku dhuumaneeso Argagixisada Al-Shabaab.
Related posts
Qaar kamid ah dhallinyarada madashan lagu casuumay ayaa iyagu uga mahad celiyey wasaaradda fursadan ay siisay oo wax weyn ku kordhin doonta aqoontooda iyo wacyigooda bulsho.
Wasiir ku-xigeenka Wasaaradda Arrimaha Guddaha Dowlad Goboleedka Galmudug Mudane Axmed Cusmaan Aadan (Qooje) ayaa ugu dambeyn tilmaamey in dhallinyaradan la isaga keeney degmooyinka, deegaanada iyo tuulooyinka oo dhan, isla markaana ujeedadu tahay balaarinta wakiilada nabada oo hore uga dhisnaa Dhuusamareeb, Cadaado iyo Caabudwaaq.
