Wasaradda Arimaha guddaha, Federaalka iyo dib_u_heshiisiinta Galmudug ayaa magaalada Dhuusamareeb maanta tababar ugu soo xirtay shaqaale isugu jira kuwa Wasaaradda iyo xubno ka socday golleyaasha deegaanka ee degmooyinka qaar.
Tababarkan ayaa ku saabsanaa kor u qaadida awooda aqooneed ee shaqaalaha Wasaaradda arimaha Guddaha Galmudug ee hannaanka adeeg bixinta, ilaalinta xuquuqda caruurta iyo ka qayb_galka caruurta ee maamulka deegaanka, waxaana xiritaanka tababarkan oo socday mudo afar maalmood ah qayb ka ahaa fal tusayaal ay shaqaaluhu ku muujiyeen fahamkooda kuwaa oo Agaasimaha waaxda Barakacayaaasha iyo xalalka waaara ee wasaaradda Arrimaha Gudaha, Galmudug mohamed Osman Ali (hureyre) uu gaban gabada howsha sharaxaad ka siiyay Agaasimaha guud ee Wasaaradda ariamaha guddaha.
Warsame Faarax Cabdi Agaasimaha guud ee Wasaaradda arimaha guddaha oo shaqalaahan ku booriyay ka soo dhalaalida howsha looga fadhiyo ee ah dhaqan galinta waxa la barey ayaa sidoo kale sheegay in casharadan muhiim u ahaayeen dadaajinta dowladnimada iyo in fahamkeeda laga soo bilaabo caruurnimada, iyadoo la adeegsanayo goobaha waxbarashada.
