Wasiiru dowlaha Wasaaradda arrimaha Gudaha, federaalka iyo dib-u-heshiisiinta Dowladda Federaalka Soomaaliya mudane Aadan Cabdinaasir Macallin ayaa kulan la qaatay guddiga ganacsatada degmada Waajid iyo guddiga xallinta qilaafaadka ee degmada.
Kulankaan oo uu goobjoog ka ahaa Wasiirka arrimaha gudaha ee Koonfur Galbeed
mudane Maxmamed Abuukar Cabdi ayaa looga hadlay geeddi socodka hannaanka dhismaha golaha deegaanka ee degmada Waajid oo ay dhisayso Wasaaradda arrimaha gudaha, federaalka iyo dib-u-heshiisiinta ee Xukuumadda federaalka Soomaaliya, iyadoo u marinaysa Wasaaradda arrimaha guddaha Koonfur Galbeed Soomaaliya.
