War qoraal ah oo ka soo baxay wasaaradda Arrimaha Gudaha oo Nuqul ka mid ah uu soo gaaray radio Muqdisho ayaa u qornaa sida tan.
Wasaaradda Arrimaha Gudaha, Federaalka & Dib-u-heshiisiinta waxay hambalyo u
diraysaa Madaxweynaha cusub ee Dawlad Goboleedka Puntland Mudane Saciid
Cabdullaahi Deni iyo Madaxweyne Ku-xigeenka Mudane Axmed Cilmi Cismaan (Karaash)
oo ku guuleystay doorashada madaxtannimada, ee ka dhacday magaalada Garoowe, 8da
Janaayo 2019.
Wasaaraddu waxay ugu hambalyeynaysaa Xildhibaannada iyo guud ahaan shacabka reer
Puntland doorashadaas oo si xasillooni, habsami iyo daah furnaan ah ku qabsoontay. Sidoo
kale Wasaaraddu waxay boogaadinaysaa murashaxiinti kale oo u tartamay xilalka
madaxweynaha iyo ku-xigeenka isla markaana aqbalay natiijada doorashada.
Wasaaradda Arrimaha Gudaha, Federaalka & Dib-u-heshiisiinta waxay Madaxweynaha
cusub iyo Madaxweyne Ku-xigeenka u rajeynaysaa in uu xilkooda Ilaahey u fududeeyo,
shacabka reer Puntland-na inuu Ilaahey siiyo guul iyo horumar.
