Wasaaradda arrimaha gudaha, Federaalka iyo dib uheshiisiinta XFS ayaa maanta Muqdisho kuqabatay ‘kulanka sadax bilaha koox howleedka farsamo ee hirgelinta qorshe howleedka Qaran ee lagu baabi’inaayo jinsiyad la aanta 2021-2024″.
Kulanka oo ay soo qaban qaabisay Wasaaradda arrimaha gudaha, Federaalka iyo dib uheshiisiinta XFS ayaa waxaa kasoo qeybgalay howlwadeenno ka kala socday Wasaaradda arrimadda dibadda iyo iskaashiga calaamiga, Wasaaradda cadaalada iyo dasruurka, Wasaaradda qorshaynta iyo horumarinta dhaqaalaha, hey’adda Laanta socdaalka iyo jinsiyadaha, hey’adda Qaxootiga iyo barakacayaasha qaranka iyo hey’adda UNHCR.
Agaasimaha guud ee wasaaradda arrimaha gudaha, Federaalka iyo dib uheshiisiinta Saciid Cabdullaahi Calasow ayaa kulanka daahfuray iyada oo uu wehliyo agaasimaha waaxda diiwaangelinta madaniga ah ee wasaaradda Cabdiqani Maxamed Weheliye.
Maxamed Cabdullahi oo kamid ah shaqaalaha hey’adda Qaxootiga iyo barakacayaasha qaranka ayaa goobta kusoo bandhigay warbixin la xiriirtay shaqooyinka ay hey’addu qabato, sidokale Bashiir Xuseen Kulane oo kasocday hey’adda Laanta socdaalka iyo jinsiyadaha ayaa isna halkaasi kusoo bandhigay warbixin kusaabsan shaqooyinka ay qabato hey’adda Laanta socdaalka iyo jinsiyadaha.
