Wasaaradda Awqaafta iyo Diinta ayaa maanta magaalada Muqdisho ku qabatay kulan lagu soo gunaanudayay howlihii xajkii 1440/2019.
Kulankan ayaa waxaa lagu martiqaaday dhammaan shirkadihii iyo guddiyadii ka soo shaqeeyay Xajkii sanadkii hore.
Wasiir ku-xigeenka Wasaaradda mudane Cismaan Aadam Dhuubow ayaa kulankan ku dhiirigeliyay shirkadaha sida wanaagsan oo ay ugu u soo shaqeeyeen xujayda Soomaaliyeed, isaga oo aad u bogaadiyay hanaankii ay u guteen u adeegidda xujayda Soomaaliyeed.
Wasiir ku xigeenka ayaa sidoo kale aad u ammaanay kaalintii lama ilaawaanka ahayd ay ku lahaayeen xubnihii bicsada ee wasaaradda.
Wasaaradda Awqaafta ayaa madasha ku soo bandhigtay baasaboorada xujaydii ku geeriyootay xajkii 1440/2019 oo noqnaysa 30 sano kaddib in markii ugu horraysay ay dowladda Soomaaliyeed gacanta ku hayso xogta xujayda ku geeriyootay xajka.
Ugu damabayn, waxaa kulankan shahaado sharaf lagu gudoonsiiyay xubnihii iyo shirkadihii u soo adeegay xujayda Soomaaliyeed xajkii iyo qaar ka mid ah shaqalaha Wasaaradda ka shaqeyay sanadka 1440/2019.
