Mas’uuliyiin ka socota Wasaaradda Caafimaadka Galmudug, dhakhaatiir iyo qaar ka mid ah xubnaha bulshada ee u dhaqdhaqaaqa nadaafada ayaa magaalada Dhuusamareeb uga qayb galey munaasabadan oo lagu waynaynayay Xuska Maalinka faraxalka Adduunka.
Madasha ayaa lagu tilmaamey faa’iidada ay leedahay in markasta laga taxadaro nadiifinta gacmaha lana joogteeyo farxalka, iyadoo taasi ay kaalin wayn ka qaadaneyso nadaafada guud iyo gaar ahaan ka hortagidda cuduro badan oo uu ka mid yahay xanuunka faafa ee COVID-19.
Agaasimaha arrimaha bulshada Maamulka Caasimadda Dhuusamareeb Yaxye Maxamed Daahir ayaa sheegay inay muhiimtahay in bulshada lagu baraarujiyo xoojinta Nadaafadda.
Qaar ka mid ah bulshada goobta joogtay oo wacyigalintan soo dhaweeyay ayaa ku amaaney Wasaaradda Caafimaadka Galmudug sida ay mas’uuliyad isaga saareyso in la helo bulsho dhinac walba ka caadimaad qabta.
Ugu dambeyn Maxamed Cabdullaahi Xaaji, Madaxa Faya-dhowrka Wasaaradda Caafimaadka ee Galmudug ayaa ugu dambeyn goobta ka jeediyay sharaxaad ku saabsan soo-yaalka taarikheed ee xuska Maalinka farxalka adduunka.
