Wasaaradda Caafimaadka iyo Daryeelka Bulshada Dowlad Goboleedka Galmudug ayaa tabarkan oo soconayo mudo shan maalin ah magaalada Samareeb uga furtay qaar ka mid ah Shaqaalaha ka howlgala xarumaha Caafimaadka deegaannada Galmudug, si sare loogu qaado dadaallada looga hortagayo cudurka safmarka ah ee COVID-19 iyo hababka latacaalidda bukaanada uu haleelo.
Tababarkan oo ay wadajir u soo agaasimeen Wasaaradda Caafimaadka Galmudug iyo Hay’adda CISP ayaa Agaasimaha Guud ee Wasaaradda Caafimaadka Galmudug Dr. Cabdiwali Maxamed Axmed waxa uu k aqeyb galayaasha ugu baaqay inay ka faa’iideystaan tababarka la siinayo, si ay ugu adeegaan bulshadooda.
Wasiir Dowlaha Wasaradda Caafimaadka Galmudug Axmed Mirre Cali Faafaale oo gunaanadka munaasabada daah-furka hadal ka jeediyay ayaa tilmaamay in Wasaaradda ay ka go’antahay sare u qaadida aqoonta shaqaalaha iyo sidii loo tayeyn lahaa adeegyada Caafimaad ee ay bixiyaan xarumaha Caafimaadka ee ku yaala Deegannada Galmudug.
Tababarkan ayaa ku soo beegmaya xili ay sii kordheyso tirada bukaanada uu soo ridanayo xanuunka Safmarka ah ee COVID-19, ayna Wasaaraddu waddo dadaalo dib loogu howlgeliyay xarumaha la tacaalidda bukaanada uu soo rito COVID-19 oo haatan tiro ahaan isasoo taraysa.
