Wasiiru-dowlaha Wasaaradda Caafimaadka iyo daryeelka bulshada Xukuumadda Federaalka Soomaaliya Dr Maryan Maxamed Xuseen ayaa maanta Muqdisho ka daah-furtay barnaamijka horumarinta xirfadda oo ah mid loogu talogalay In sare loogu qaado aqoonta iyo xirfadda Umulisooyinka Soomaaliyeed, si ay dhankooda adeeg caafimaad oo hufan, tayana leh u siiyaan hooyada iyo dhallaanka.
Barnaamijka horumarinta xirfadda oo ay diyaarintiisa iska kaashadeen Wasaaradda Caafimaadka iyo hey’adda UNFPA ayaa waxaa daahfurkiisa ka qeyb galay mas’uuliyiin ka socotay Wasaaradda caafimaadka, waxaana u jeedku yahay In xirafadlayaasha caafimaadka gaar ahaan Umulisooyinka in loo gudbiyo aqoontii ugu dambeysay si ay u helaan xirfado ku filan oo ay ku shaqeyn karaan marka lagu jiro xaaladaha caadiga ah iyo kuwa adagba.
Related posts
Agaasimaha shaqaalaha iyo tababarada ee Wasaaradda Caafimaadka Dr Maxamed Xuseen Calasoow iyo Agaasimaha Siyaasadda iyo Qorsheynta Dr Cabdifataax Axmed Maxamed ayaa tilmaamay muhiimadda uu barnaamijkan u leeyahay bulshada Soomaaliyeed.
Wasiiru-dowlaha Wasaaradda Caafimaadka iyo daryeelka bulshada XFS Dr Maryan Maxamed Xuseen oo furtay tababarka ayaa ka qeyb galayaasha ku boorisay iney ka faa’iideystaan barnaamijkan muhiimka ah ee sare loogu qaadayo aqoontooda.
