Wasaaradda caafimaadka ee Xukuumadda Soomaaliya ayaa sheegtay inay dawooyin gaarsiinayaan goobaha dhawaan laga xoreeyay maleeshiyada Al-Shabaab ee gobollada dalka, si bulshada laga dulqaaday dhitaatada argagixisada ay ku hayeen ay u heleen adeegyo caafimaad.
Wasiirka Caafimaadka Drs Xaawo Xasan Maxamed oo la hadashay Radio Muqdisho ayaa daboolka ka qaaday in agabyo caafimaad ay gaarsiinayaan deegaannada dhawaan laga sifeeyay maleeshiyada Al-Shabaab, si bulshada ay u helaan adeegyo caafimaad oo dhameystiran.
Related posts
โWaxaan qiimeyn ku soo sameynay deegaannada laga saaray argagixisada, runtii haddii ay ahaan lahayd iyo dawooyinka muhiimka ah u ah bulshada ay gaarsiin doonaan, iyagoo kaashanaya Wasaaradda Arrimaha gudaha oo dhankooda deeq raashin goobaha gaarsiin rabaโ ayay tiri Drs Xaawo.
Drs Xaawo Xasan Maxamed ayaa sheegtay in wada shaqeyn ay kala dhexeyso maamulada isbitaallada Muqdisho ee sida gaarka ah loo leeyahay iyo kuwa dowladda, isla markaana ay tirikoob ku sameeyeen goobaha caafimaadka ee Muqdisho ka furan, ayna diyaariyeen qorshe cad oo ku saabsan siyaadda Qaranka ee dhanka caafimaadka.
