Wasaaradda Caafimaadka Xukuumadda Federaalka Soomaaliya ayaa sheegtay in la helay 62 kiis cusub oo COVID-19 ah.
War-saxaafadeed ka soo baxay Wasaaradda Caafimaadka ayaa lagu xaqiijiyay in kiisaska lagu ogaaday baaritaanno lagu sameeyay bukaano, waxaana tirada guud dadka uu soo ritay xanuunka COVID-19 ay gaareysaa 390 sida ay Warbaahinta u sheegtay Wasiirka Wasaaradda Caafimaadka Dr Fawsiya Abiikar Nuur.
Sidoo kale waxaa jirta ,2 qof oo u geeriyootay xanuunkaasi, waxaana tirada guud ay ka dhigaysaa 18 qof, sidoo kale labo kale ayaa bogsootay, waxaana guud ahaan tirada bogsoshada noqonaysaa ilaa 10 ruux.
Dowladda Soomaaliya ayaa dadaal ugu jirta sidii loo xakameyn lahaa faafidda xanuunkaasi, iyadoo ay socdaan dadaalo badan oo bulshada lagu bad-baadinayo.
