Wasaaradda Caafimaadka iyo Daryeelka bulshada Xukuumadda Federaalka Soomaaliya ayaa maanta magaalada Muqdisho ku qabatay Munaasabad lagu maamuusayay maalinta Duumada Adduunka.
Munaasabadda oo ay soo qaban qaabisay Wasaaradda Caafimaadka Qeybteeda Xakameynta Duumada ayaa waxaa ka qeyb galay Madaxda Wasaaradda caafimaadka, Ururrada Dhakhaatiirta, Bulshada rayidka iyo hay’adaha la shaqeeya Wasaaradda oo ay ka mid yihiin WHO iyo UNICEF.
Halku dhigga sanadkan 2021 ayaa ahaa “Ka qeybqaado ciribtirka cudurka duumada” oo u dhigan sidan “Zero Malaria- Draw the line against Malaria”
Munaasabadda oo sanadle ah ayaa ujeedkeedu yahay in bulshada Soomaaliyeed lagu wacyigeliyo ka qeyb qaadashada Ciribtirka Duumada.
