Wasaaradda Caafimaadka iyo Daryeelka Bulshadd\a ee Xukuumadda Federaalka Soomaaliya ayaa tababar u furtay 30 kamid ah shaqaalaha Xarumaha Caafimaadka ee Degmada Dusamareeb ee caasimadda Dowlad Goboleedka Galmudug.
Tababarka ayaa socon doono muddo 4 maalin ah, waxa uuna ku saabsanyahay sida looga hortago faafida Caabuqa iyo jeermiska kale, iyadoo markasta lajoogteynayo Nidaamka Nadaafadda Guud iyo gacamo dhaqashada inta lagu guda jiro Daryeelka Bukaanka.
Qaar ka mid ah dadka ka faa’iideysanaya tababarka ayaa sheegay in siminaarkan uu ku soo beegmay xilli ay baahi weyn u qabeen, ayna ku dabaqi doonaan howlaha ay ugu adeegayaan bulshada.
