Shirkaan wadatashiga ah ee Ku saabsan hirgalinta istiraatiijiyada qaran ee la dagaalanka musuq maasuqa iyo sidoo kale dib ugu biirista heshiiska caalamiga ah ee la dagaalanka musuqa ayaa magaalada Muqdisho waxaa ka furay sii hayaha wasiirka cadaaladda xukuumadda Ababuukaate Xasan Xuseen Xaaji.
Kullanka oo socon doona muddo labo cisho ah ayaa waxaa ka qeyb galaya xubno ka socday dowlad goboleedyada dalka, xubno ka tirsan wasaaradda maaliyadda,xafiiskaย hanti dhowrka guud ย ee qaranka,Bankiga dhexe,xafiiska xeer ilaalinta iyo Booliska,ย kuwaasi oo inta badan shaqadoodu tahay arrimaha nidaamka maaliyadda Dalka iyo la dagaalanka Musuqa.
Related posts
Sii hayaha wasiirka cadaaladda dalka Xasan Xuseen Xaaji ayaa sheegay in wasaaraddu ay xoogga saareyso shuruucda lagu hagayo arrimaha cadaaladda, la dagaalanka musuqa iyo sidoo kale inย dib loo soo celiyo xiriiradii caalamiga ahaa ee la dagaalanka musuq maasuqa.
Golaha wasiirada xukumadda federaalka Soomaaliya ayaa 4-tiiย bishii lixaad ee sanadkaan ansixiyay xeerka istaraatiijiyada qaran ee la dagaalanka musuq maasuqa ee 2020-2023, waxaana muddooyinkaan sii kordhayay kiisaska la xiriira maxkamadeynta dad loo heystay musuqa oo ay ka midyahiin masuuliyiin ka tirsanaa hayโaddaha dowladda iyo ganacsato.
Xeerkaan ayaa waxaa soo diyaarisay wasaaradda Cadaaladda dalka oo qorshaheedu yahay ย in wax laga qabto arrimaha musuqa.
