Wasaaradda Ganacsiga ee Xukuumadda Soomaaliya ayaa sheegtay in weerarada ay maleeshiyaadka UGUS ka geesanayaan Hoteelada iyo goobaha kale in ganacsiga ay kaga golβleeyhiin cuuryaaminta horumarka dhaqaale ee dalka.
Agaasimaha Guud ee Wasaaradda Ganacsiga Mudane Cabdullaahi Xayir Ducaale oo la hadlay Radio Muqdisho ayaa sheegay in ujeedka maleeshiyaadka Ururka Gumaadka Ummadda Soomaaliyeed ee UGUS ay tahay mid ay kaga soo horjeedaan horumarka ganacsi ee dalka ka jirta, waxaana uu ku baaqay in si wada jir ah loola dagaallamo.
Related posts
βNimankaasi waxa ay rabaan in meelaha indhaha u ah bulshada sida, xarumaha ganacsi, aqoonyahanka iyo kuwa kale oo bulshada waxgal u ah inay baabiβiyaan, sababtuna waxa ay diidanyihiin horumarka ganacsi ee dalka, marka shacabkana waxaan leeyahay haka cabsanina hagar daamada ay maleegayaan Shabaabβ ayuu yiri Mudane Cabdullaahi
Agaasimaha Guud ee Wasaaradda Ganacsiga Mudane Cabdullaahi Xayir Ducaale oo ka mid ah dadkii ay ciidamada amniga ka soo badbaadiyeen weerarkii Hotelka Maka Al-Mukarama ayaa ammaan u jeediyay ciidamada, sida ay ugu guuleysteen inay soo badbaadiyaan dadkii Hotelka ku xanibnaa.
