Wasaaradda Ganacsiga Xukuumadda Federaalka Soomaaliya oo kaashanaysa hay’adda dhinaca iskaashiga u qaabilsan dawladda Jabaan, ayaa maanta si wada-jir ah u qabtay tababar kor looggu qaadayey heerka aqooneed ee qaar ka mid ah ganacsiyada bilowga ah, kuwa yar-yar iyo kuwa dhexe.
Tababarkan oo ku qabsoomay habka fogaan araga ah, ayaa waxa ka qeyb-qaatay saraakiil ka socotay hay’adaha dawladda iyo illaa 25 ka mid shirkadaha gaarka ah oo iskugu jiray kuwa ganacsiyada bilowgaa ah, kuwa yar-yar, kuwa dhexe, xuramaha taageera Ganacsiyada, Bangiyada iyo Rugta Ganacsiga iyo Warshadaha Soomaaliyeed ku waasi oo halkaas ku qaaday tobabar ahmiyad weyn u leh horumarinta Ganacsiga.
Tababarkan ayaa qeyb ka ahaa mashruuca YEPS oo ay maal-gelinayso hay’adda JICA isla-mar-ahaantaana ay isla wada fulinayaan qaar ka mid ah hay’adaha dawladda ee Soomaaliya. Waxaana Wasaaradda Ganacsiga ka go’an oo ay ku dedaalaysaa siddii Soomaaliya u noqon lahayd meel lagu ganacsan karo oo soo jiidata Ganacsatada iyo Maal-gashadayaaha Caalamka.
