Waxaa Magaalada Cadaado ee Gobolka Galgaduud lagu qabtay kulan ay soo Agaasintay Wasaaradda Haweenka iyo Xuquuqul Insaanka Galmudug, kaas oo looga hadlay xaqiijinta qoondada haweenka ee 30%.
Kulanka ayaa waxaa daah furtay Wasiirka Wasaaradda Haweenka Galmudug Marwo Ubax Xuseen Dhiblawe oo sheegay in ujeedka kulanka uu yahay sidii looga hadli lahaa xaqiijinta qoondada Haweenka.
Kulanka waxaa kale oo ka qeybgalay qeybaha bulshada Magaalada Cadaado,iyadoo diiradda lagu saaray xoojinta doorka daneeyeyaasha arrimaha doorashooyinka ay ku leeyihiin ilaalinta qoonddada haweenka.
