Munaasabadaan oo ay soo agaasintay Wasaaradda Haweenka iyo Xuquuqul Insaanka Galmudug oo kaashaneysa Ha’adda I.M.C islamarkaana aheyd mid qeyb ka ah xuska munaasabadda 8da Maarso laguna qabtay deegaanka Xaar-xaar oo ay ku noolyihiin kumanaan qoys oo barakacayaal ah ayaa maanta intiisa badan looga hadlay ka hortagga khatarta caabuqa karoona, iyadoo ay goob joog ka aheyd qaar ka mid ah haweenka barakacayaasha,
Wasaaradda Haweenku waxa ay u qeybisay qoysaska barakacayaasha ah agab loogu talagalay ka hortaga xanuunka COVID-19, kaas oo saameeyn xooggan ku haya dalkeena.
Isu duwaha Wasaaradda Haweenka iyo Xuquuqul Insaanka Galmudug ee Gobalka Mudug Dr Yurub Cabdulqaadir Sheekh Cali oo ugu horeyn ka hadashay munasabadda ayaa ku boorisay in bulshada ay xiligaan xooga saaraan ilaalinta nadaafadda iyo fayadhorka, si looga bad baado khatarta xanuunka.
Dr Cabdullaahi Cali Maxamed oo ka socday Hay’adda I.M.C ayaa sheegay in loo baahanyahay qaadashada talooyinka caafimaad ee la xariira ka hortagga COVID-19.
Maxamed Cali Axmed oo ka mid ah xubnaha golaha deegaanka Degmada Gaalkacyo ayaa sheegay in maamulka degmadu uu xoogga saari doono sidii bulshada looga wacyi gelin lahaa khatarta xanuunka Karoonaha
Dhianaca kale isku duwaha Wasaaradda Haweenka iyo Xuquuqul Insaanka Galmuudug iyo Madaxa xafiiska Wasaaradda ee ka hortagga tacadiyada Hawenka Abshiro Cali Geeddi ayaa daah furay munaasabadda, taasi oo lagu qabtay magaalada Gaalkacyo ee xarunta Gobolka Mudug.
