Kulankaan oo ay ka qeyb galeen qeybaha kala duwan ee bulshada saraakiisha lamaha amniga iyo madaxda Wasaaradda haweenka ayaa looga hadlay talo soo jeedintii labaad ee dib u eegista xuquuqul insaanka caalamka oo sannadkaan diyaarisay Soomaaliya.
Agaasinka Xuquuqul Insaanka Wasaaradda Haweenka ee Xukuumadda Federaalka Soomaaliya Axmed Cabdi Cumar ayaa sheegay qodobada ugu muhiimsan ee kulankaan looga hadlay iyo arrimaha ugu badan ee talo soo jeedinta laga sameeyay oo uu tilmaamay inay qaadanayaan.
Xubnihii kulanka joogay ayaa si wanaagsan uga dooday talo soojeedintaan xuquuqul insaanka caalamka, iyagoo isku qeybiyay koox koox si ay uga hadlaan muhiimadda arrintaan.
Wasiirka haweenka iyo horumarinta xuquuqul insaanka Xukuumadda Soomaaliya Marwo Sahro Maxamed Cali Samatar ayaa sheegtay in Soomaaliya sannadkaan heerkii ugu wanaagsanaa ay ka gaartay arrimaha xuquuqul insaanka, ka wasaarad ahaanna ay waxbadan ka qabteen u doodista xuquuqul insaanka.
Inkastoo ay dhacaan dhibaaatooyin la xiriira xuququl Insaanka ayaa haddana Wasaaradda Haweenka waxa ay dadaal dheeri ah ugu jirtaa sameynta sharciyo adag oo dhanka xuququl insaanka lagu ilaalinayo.
