Wasaaradda Haweenka iyo xuquul insaanka ee Xukuumadda Soomaaliya ayaa maanta qabatay kulan looga tashabayo hindise sharciyeedka ka hortagga xadgudubka kufsiga oo ay soo diyaarisay Wasaaradda, kaasi oo lagu qabtay Muqdisho.
Kulankani ayaa waxaa ka qeyb galay xubno ka socday Wasaaradaha Xukuumadda, culimaa’udiin, haween iyo qeybaha kala duwan ee bulshada.
Kulanka oo ahaa mid hal maalin ah ayaa looga tashanayay Hindise sharciyeedka ay Wasaaradda soo diyaarisay, iyadoo intii uu socday kulanka la isku dhaafsaday aaraah ku saabsan hindise sharciyeedka ka hortagga xadgudubka kufsiga, waxaana madaxda Wasaaraddu ay balan qaadeen in tallooyinka ay dhiibteen qeybaha bulshada lagu biirin doono Hindise sharciyeedka.
Wasiirka Wasaaradda Haweenka iyo xuquuqul insaanka ee xukuumadda Soomaaliya Sahro Maxamed Cali Samatar ayaa sheegtay in sharcigan ay horgen doonto golaha Wasiirada, si loo meel mariyo, waxaana ay ka qeyb galayaasha uga mahadcelisay tallooyinka ay soo jeediyeen, ayna xustay in lagu dari doono sharcigan.
Wasaaradda haweenka iyo Xuquuqul insaanka ee Xukuumadda Soomaaliya ayaa wadda dadaalo ku aadan sidii lagu heli lahaa sharci u dooda xuquuqda haweenka, si looga hortago tacayadiyada kala duwan ee loo geysto.
Sawir Qaade:- Maxamed Cabdiweli Maxamed
