Wasiirka Wasaaradda Howlaha Guud Dib-u-dhiska iyo Guryeynta Dowladda Hirshabeelle Maxamuud Xasan Bariise, oo uu wehliyo guddoomiyaha gobolka Hiiraan Muuse Salaad Wehliye ayaa dhagax-dhigay dhismaha 9-KM oo kamid wadada laamiga magaalada Beledweyne.
Munaasabadda dhagax-dhiga laamigani cusub ayaa waxaa ku sugnaa, Guddoomiye ku xigeenka Maaliyadda iyo Siyaasadda gobolka Hiiraan Xasan Ibraahim Cabdulle, maayarka Magaalada Beledweyne Nadar Tabaax Maalin, Guddoomiyaha degmada Beledweyne Cumar Cismaan Calasoow, Xog-hayaha dowladda Hoose ee Beledweyne Yaxye Cabdiraxmaan iyo madax kale oo maamulka Hirshabeelle ka tirsan.
Mashruucan dhismaha wadadan halbowlaha ayaa waxaa maalgelinaya Bankiga Adduunka. Hab nashaqadeed wadadan muhiimka u ah isku socodka deegaannada maamulka, ayaa waxa uu noqon doonaa mid casri, kaas oo la mid ah kuwo wadankeenna horay looga hirgeliyay, tayada dhismahooduna aad u sarreeyo.
