Tababarkan oo muddo afar maalmood ah u socdey Injineero laga keenay Degmooyinka Galmudug ayaa maanta loo soo gaban-gabeeyay. Kuwaas oo la barey qorsheynta iyo maareynta Dhulka Magaalooyinka, waxaana tababarkan soo qaban qaabisey Wasaaradda howlaha guud dib-u-dhiska iyo guriyeynta Galmudug oo kaah-shaneysa UN-HABITAT, iyadoo aqoon kordhintan qeyb ka aheyd mashruuca hormarineed ee GPLJ oo si dardar leh kaga socda Degmooyinka Galmudug qaarkood.
Mudane Maxamed Cabdi Cilmi Xiriiriyaha Wasaarada Howlaha Guud iyo Mashruuca JPLG ayaa sharaxey waxa la isku dhaafsadey mudadii uu socday tababarka, isagoo intaa raaciyay in Wasaaradda ku rajo weyn tahay helida isbadal dag dag ah oo Injineeradane gacan ka geystaan.
Qaar ka mid ah Injineerada qaatay tababarkaan oo iyagana ka hadley goobta ayaa u mahadceliyay Wasaaradda howlaha guud dib-u-dhiska iyo guriyeynta Galmudug oo dhowr jeer suuragalisay tababaro lasiiyay Injineerada degmooyinka Galmudug.
