Wasaaradda Howlaha guud, dib-u-dhiska iyo Guriyeynta Dowlad Goboleedka Galmudug ayaa maanta tababar u furtay tiro injineero ah oo ka kala socda, waaxaha howlaha guud Dowladaha hoose ee Gaalkacyo, Cadaado, Samareeb iyo injineerada Wasaaradda howlaha guud.
Tabababrkan ayaa waxa ay ku baran doonaan injineeradu kor u qaadidda xirfadda farsamo ee maareynta qandaraasyada dhismaha iyo waddooyinka, iyagoo wax badan ka ogaan doona habka Maamulka iyo maareynta qandaraasyada.
Hay’adda ILO oo tababarkan la qabatey Wasaaradda howlaha guud ayaa injineerada ku kaabeysa kor u qaadidda aqoontooda waxaana uu qorshahan qayb ka yahay dadaallo si iskumid ah uga socda Dowlad Goboleedyada Dalka oo lagu tayaynayo aqoonta injineerada ka howlgalaya Mashaariicda dib u soo kabashada Dalka.
