Canshuurta loo yaqaano Wado marista ayaa hada waxaa si rasmi ah u qaadaysa Wasaaradda Maaliyadda maadaama hada lagalay sanad cusub 2018ka.
Isbadalka weyn waxa uu ku yimid ayaa ah in hada Shacabka Gaadiidleyda ah ay iyagoo raali ah saf saf ugu jiraan bixinta Canshuurta, iyadoona ay u muuqato in Shacabku ay fahmeen hanaanka Dowladnimada iyo Lacagta laga qaado in ay iyaga dib ugu soo laabanayso.
Arinkaan ayaa waxa uu meesha ka saarayaa in Gaadiidleydu ay Canshuur la’aan wadooyinka maraan, Booliskuna ay wadooyinka u istaagaan si loogu amro waajibka Dowliga ah ee lagu leeyahay.
Agaasimaha Canshuuraha Bariga Wasaaradda Maaliyadda Md Muxudiin Xasan Jurus ayaa ku tilmaamay Guul u soo hoyatay Dowladda iyo Shacabkeeda marba haddii ay si iskood ah ay u bixinayaan Canshuurta iyadoon aan la qasbeynin.
