Wadatashigan ayaa ah mid looga hadlayay qorshaha Horumarinta Qaranka Sagaalaad (QHQ9) iyadoo ay ka qeybgaleen Madaxda Warbaahinta Madaxa bannaan, Kuwa Dowliga ah iyo Masuuliyiinta Wasaaradda Qorsheynta
Ujeedada kulanka wadatashiga ayaa ahaa sidii bulshada Soomaaliyeed loo gaar siin lahaa tubaha uu ka kooban yahay qorshaha Horumarinta Qaranka Sagaalaad, waxaana 19 12.2018 uu daahfuray qorista Ra”iisul Wasaaraha Xukumadda Soomaaliya Mudane Xasan Cali Khayre iyo Wasiirka WaraasaraddaQorsheynta Mudane Gamaal Maxamed Xasan .
Wadatashigan ayaa laysku weedaarsaday qaabka ugu wanaagsan xogta loo gaarsiin karo Umadda isla markaana warbaahinta ay xog dhaxal gal ah ay uga hesho qorshaha horumarinta qaranka.
Agaasimaha Guud ee Wasaaradda Qorsheynta Asad Yusuf Qanyare ayaa warbaahinta madaxdooda u sharaxay tubaha uu ka kooban yahay Qorshaha Horumarinta Qaranka Sagaalaad, isla markaana su’aalaha uga jawaabay Madaxda Warbaahinta goobjooga ka ahayd wadatashiga.
Qorshaha Horumarinta Qaranka Sagaalaad (QHQ9) wuxuu xoogga saarayaa sida ugu wanaagsan ee loo yarayn lahaa saboolnimada (interim Poverty Reduction Strategy compliant iPRSP) iyo in dowladda soomaaliyeed yeelato Qorshe Horumarineed oo ku salaysan yaraynta saboolnimada isla markaana waxuu door shariif ah ka qaadanayaa deyn cafiska soomaaliya.
Qorshaha Horumarinta Qaranka sagaalaad ayaa laga shaqeyn doonaa sanadkaaniyada oo wadatashi lagala yeelan doono Hay’adaha dowladda,Dowlad-Gobaleedyada, Baarlamaanada, ururada bulshada Rayidka iyo Ganacsatada.
