Wasaaradda Qorsheynta ayaa maanta u qabatay agaasimeyaasha guud shir looga hadlayay waxyaabaha u qabsoomay iyo qorshayaasha ay hiigsanayan sanadkan Wasaarad kasta.
Shirka oo bishiiba mar ay qabato Wasaaradda Qorsheynta ee Xukuumadda Soomaaliya ayaa waxaaa ka qeyb galay qaar ka mid ah Agaasimeyaasha guud iyo Agaasimeyaasha Waaxyaha Qorsheynta ee Wasaaradaha dowladda, waxaana lagu gorfeeyay sida looga qeyb qaadan karo horumarka dalka.
Related posts
Qaar ka mid ah Agaasimeyaasha ka qeyb galay shirka ayaa sheegay inay jiraan waxyaabo badan oo u qabsoomay iyo caqabado weli hortaagan waxyaabo qaar ah, iyagoo balan qaaday inay dar dargelin doonaan adeegyada ay bulshada u hayaan.
Wasiirka Qorsheynta iyo Iskaashiga Caalamiga ah ee xukuumadda Soomaaliya Mudane Cabdiraxmaan Sheekh Yuusuf Cali Ceynte ayaa tilmaamay in u jeedka shirkan bilkasta loo qabto ay tahay in Wasaarad kasta ay la timaado qorshe howleed lagu horumarinayo howlaha ay hayaan, waxaana uu ku dheeraaday ka hadalka himilada la hiigsanayo.
ย 
Sawir Qaade:- Maxamed Cabdulaahi Maxamed Feereysane
