Wasaaradda Qorsheynta, Maal-gashiga iyo Horumarinta Dhaqaalaha ee Xukuumadda Federaalka Soomaaliya, ayaa kulan wada-tashi ah oo ku saabsan wareegga labaad ee qorshaha horumarinta 9-aad ee Qaranka magaalada Muqdisho maanta kula yeelatay ururada bulshada rayidka ah.
Kulankan, ayaa waxa ka soo qeyb-galay Agaasimaha guud ee Wasaaradda Qorsheynta Soomaaliya Mudane Asad Yuusuf Qanyare, khubarada qoreysa qorshaha horumarinta Qaranka iyo qeybaha kala duwan ee ururada bulshada rayidka ah. Waxaana halkaas ay madaxda Wasaaraddu ku soo bandhigeen soo jeedin ku saabsan nuqulka koowaad ee Qorshaha horumarinta oo ay ka codsadeen in wixii dhiman ay ku soo daraan Qorshaha Sagaalaad ee horumarinta Qaranka.
Related posts
Qeybaha kala duwan ee bulshada rayidka ah oo si weyn uga qeyb-qaatay dood-wadaagii iyo falan-qeyntii qorshaha, ayaa halkaas ka soo jeediyey tallooyinkooda ku aadan dhaqaalaha, Nabadda, Cadaaladda, maamul-wanaaga, ganacsiga iyo horumarinta adeegyada aas-aasiga ah. Waxa kale oo ay isku raaceen inay aad ugu faraxsan yihiin in ay qeyb ka noqdaan isla mar ahaantaana talo laga weydiiyo qorshaha horumarinta Qaranka.
Agaasimaha Qorsheynta Asad Yuusuf Qaran-yare oo isna halkaas ka hadlay, ayaa si weyn u iftiimiyey ahmiyadda uu leeyahay qorshaha horumarinta Qaranka ee Dowladda Federaalka Soomaaliya, waxaana uu sheegay in ujeedka la tashigani uu yahay siddii bulshadu ay qeyb uga noqon lahayd qorista Qorshaha horumarinta ee Dowladda, isaga oo carabka ku dhuftay in ay ku faraxsan yihiin la tashi ay la sameeyeen ururada bulshada rayidka ah, isla mar ahaantaana ay qaadanayaan talooyinka ay ka dhiibteen qorshaha.
βRuntii waanu ku faraxsanahay in aanu qorshaha horumarinta Qaranka u soo bandhigno ururada bulshada rayidka ah, ujeedkayagu waxa weeye in dadka laftoodu ay ka qeyb-qaataan qorista qorshaha oo hadda gacanta lagu hayo, waxa aanu dooneynay in aad wixii tallooyinkii na ah iyo soo-jeedinahiiba ku dartaan oo kaga qeyb-qaadataan si waxyaabaha horumarka ah ee dalka laga qabanaya ay u noqdaan kuwo si xaqiiqo ah ugu dhisan baahiyaha kala duwan ee ka jira dalka iyo waxyaabaha aynu ahmiyadda siinaynno.β. Ayuu yiri Asad Yuusuf Qan-yare.
Wasaaradda Qorsheynta Dowladda Federaalka Soomaaliya ayaa hore u qabatay wada-tashiga wareega labaad oo ay la yeelatay hayβadaha kala duwan ee dowladda iyo ganacsatada Soomaaliyeed, kuwaas oo la dhageystay tallooyinkooda ku aadan qorshaha horumarinta Qaranka iyo in loo soo bandhigay ahmiyadda wareega koowaad.
Wasaradda Qorsheynta Xukuumadda Federaalka Soomaaliya ayaa sidan oo kale waxa ay wada-tashiga wareegga labaad la yeelatay Hayβaddaha dowladda Federaalka Soomaaliya iyo Ganasatada Soomaaliyeed, kuwaas ooΒ laΒ dhageystay talooyinkooda ku aadan Qorshaha horumarinta Qaranka.
Abdirashid Nor Ibrahim
