Agaasimaha Guud ee Wasaaradda Waxbarashada, Hiddaha iyo Tacliinta Sare ee Xukuumadda Federaalka mudane Maxamed Caabbi Xasan ayaa daah furay kulanka Wada-tashiga siyaasadda Qaran ee Quudinta ardayda dhigata Dugsiyada ee aan awoodin helista nolol maalmeedka caadiga ah, kaasi oo ujeedadiisu tahay in kor loo qaado heerka nafaqada ardayda, si ay u helaan tamar ay wax ku bartaan iyo in Diiwan gelinta ardayda la kordhiyo, maadama carruur badan ay Waxbarashada banaanka kaga joogaan daruufo nolaleed awgeed.
Wasaaradda Waxbarshada Xukuumadda Federaalka ee Soomaaliya ayada oo kaashaneysa deeq bixiyayaasha Waxbarashada waxa ay ku dadaaleysaa si kasta oo macquul ah in lagu caawiyo carruurta helidda adeegyo Waxbarasho, si ay suurta gal u noqoto soo saarista jiilal Waxbarashada ku wanaaagsan.
