Agaasimaha Waaxda Tacliinta Sare ee Wasaaradda Waxbarashada dalka Ismaaciil Yuusuf ayaa sheegay in Wasaaraddu ay waddo diiwaangelinta ardayda ka soo carartay colaadda Suudaan, si aysan hakad uga gelin Waxbarashooda oo ay uga bilaawdaan gudaha dalkooda.
Agaasimaha oo ka qeyb-galay barnaamijka kulanka todobaadka ee ka baxa Warbaahinta Qaranka ayaa xusay in ilaa iyo hadda ay diiwaangeliyeen ku dhawaad kun iyo Shan boqol arday, kuwaasi oo dowladdu ay ku soo celisay dalkooda Hooyo.
Related posts
Agaasime Ismaacil Yuusuf ayaa hadalkiisa ku daray “Dowladda waxay ku dadaaleysaa in Waxbarashadooda aysan ka kala go’in Ardayda Soomaaliyeed ee naftooda kala soo baxsaday colaadda dalka Suudaan”.
Mudane Ismaaciil Yuusuf ayaa xusay in ardayda aan shahaadadooda soo qaadan ee waqtiga u saamixi waayay, ay Wasaaraddu waddo qorshe ay ku heli lahaayeen wax u dhigmo Shahaadooyinkooda, iyadoo loo marayo Safaaradda Soomaaliya ee Suudaan.
