Magaalada Muqdisho ee caasimadda dalka ayaa maanta lagu qabtay munaasabad loogu dabbal degayo maalinta macalinka Soomaaliyeed oo ku beegan 21-ka November.
Wasiiru dowlaha wasaaradda waxbarashada hiddaha iyo tacliinta sare ee xukuumadda federaalka Cabdiraxmaan Maxamuud Cabdulle, gudoomiyaha arimaha bulshada baarlamaanka xildhibaan Cali jowhar gudoomiye ku xigeenka jaamacadda Ummadda lataliyaha wasaaradda agaasimayaal ,madaxa imtixaanaad dowladda soomaliya macalimiin iyo marti ย sharaf kale ayaa ka qeyb galay munaasabadda.
Gudoomiyaha arimaha bulshada baarlamaanka Soomaaliya xildhibaan Cali jowhar ayaa hambalyo u diray macalimiinta Somaaliyeed meel kasta oo ay jogaan, waxana u sheegay in duruufo adag ay ku soo shaqeeyaan.
Wasiiro doowlaha wasaarada waxbarashada XFS,Cabdiraxmaan Maxamuud Cabdulle (Jaabir) ayaa bogaadiyay howsha ay qabteen macalimiinta Soomaaliyeed intii lagu guda jiray burburka isagoo sheegay in maanta ay tahay maalin ku weyn shacabka Soomaaliyeed islamarkana hadii uusan jirin macalin, horumar aan la gaari laheyn.
โMaanta waa maalin weyn ,waa maalin Ummadda Soomaaliyeed magac iyo maamuusn u leh waa maalintii macalinka Soomaaliyeed ma jirto maalin ka haboon oo in loo dabbal dego, waxaan hambalyo u diraya, macalimiinta Soomaaliyeed, meel kasta oo ay jooganโayuu yiri wasiiru dowlaha wasaaradda waxbarashada Mudane Cabdiraxmaan Maxamuud Cabdulle.
โ Hadii uusan macalin jiri laheyn horumarka aan maanta aan gaarnay ma gaari laheyn,waxaan rabaa in aan si gaar ah ugu mahad celiyo macalimiinta Soomaaliyeed ee xiligii aan burburka ku jirnay dhiigooda iyo waqtigooda u huray in ay waxbaraaan arday Soomaaliyeed oo duruufo gaar ah ku jira waxaan leeyahay aadย ayaad u mad santihiin, kawasaarad ahaan ma iloobi doon in aan idii mahad celino marna kama daali doono in aan sheegno daruuftii adkeyd ee aad ku soo shaqeyseenโayuu yiri Mudane Jaabir.
Wasiiru dowlaha wasaaradda waxbarashada Cabdiraxmaan Maxamuud Cabdulleย ayaa ballan qaaday in ka wasaarad ahaan ayย soo celin doonaan sharaftii iyo karaamadii macalimiinta Soomaaliyeed.
