Wasiirka Wasaaradda Xanaanada Xoolaha ee Xukuumadda Soomaaliya oo xafiiskiisa ku qaabilay Wakiilka Hay’adda FOA ee Soomaaliya ayaa kala hadlay qodobo muhiim ah oo ay ka midyihiin sidii xoolaha, dhirta iyo daaqa loo horumarin lahaa, maadaama bulshada Soomaaliyeed ay 60% yihiin kuwa ku tiirsan dhaqashada xoolaha.
Xuseen Maxamuud Sheekh Xuseen Wasiirka Wasaaradda Xanaanada Xoolaha, Dhirta iyo Daaqa ee Soomaaliya ayaa xusay inay labada dhinac kala saxiixdeen heshiis ku saabsan sidii ay kaalin uga qaadan lahaayeen tababarsiinta shaqaalaha Wasaaradda oo uu sheegay inay dhankaasi ka caawin doonaan, mustaqbalka dhawna ay xoojin doonaan la shaqeynta hay’adda FOA.
Kulanka dhexmaray Wasiirka Xanaanada Xoolaha iyo Wakiilka cusub ee Hay’adda FOA ee Soomaaliya ayaa ku soo idlaaday is afgarad, waxaana uu imaanayaa kulanka, iyadoo Wasaaradda Xoolaha ay qorsheyneyso in la dhiiri geliyo xoolaha dhaqata Soomaaliyeed.
Xabiib Axmed Cali
