Wasiir ku xigeenka Wasaaradda Warfaafinta, Dhaqanka iyo Dalxiiska XFS Mudane Cabdiraxmaan Yuusuf Al Cadaala oo safar shaqo ku jooga dalka Mareykanka ayaa kulan muhiim ah la yeeshay Mohamed Egal oo ah Duqa Magaalada SeaTac ee Gobolka Washington.
Kulankan ayaa waxaa lagu falanqeeyay xoojinta xiriirka ka dhaxeeya maamulka Magaalada iyo Jaaliyadda Soomaaliyeed ee halkaas ku nool.
Dhanka kale Wasiir Al Cadaala ayaa la kulmay Gudoomiyaha Golaha deegaanka Magaalada Takwille ee Gobolka Washington Mudane Mohamed Abdi isagoo ku soo dhaweeyey Xarunta Golaha deegaanka Magaalada.
Wasiirka & Wafdigiisa ayaa sidoo kale booqday Xarunta Jaaliyadda Soomaaliyeed ee Magaalada Seattle, waxaana halkaas ku soo djaweeyey Gudoomiyaha Jaaliyadda marwo Sahra Farah.
