Wafdi oo hoggaaminayo Wasiirka Deegaanka iyo isbadalka Cimillada JFS Soomaaliya Saraaye Guud Mudane Bashiir Maxamed Jaamac, oo uu Wehliyo Safiirka Soomaaliya Kenya Danjire Jabriil Ibraahin Cabdulle, ayaa kullan mira-dhal ah kula qaatay Xarunta Qaramada Miboobay ee dalka Kenya Marwo Inger Andersen – Agaasimaha Fulinta ee Hay’adda Qaramada Midoobay u qaabilsan Horumarinta baraamijyada Deegaanka Adduunka ahna Ku-xigeenka Xoghayaha Guud ee Qaramada Midoobay u dhinaca Deegganka.
Kullanka ayaa lagu gorfeeyay wadashaqeynta labada Hay’ad ee Wasaaradda iyo UNEP, in si wadajir ah looga shaqeeyo Arrimaha Isbadalka Cimilada iyo saameynta uu Soomaaliya ku yeeshay, kobcinta Aqoonta Howl-wadeennada Wasaaradda, Maareynta qashinka, si loo xoojiyo dowladaha hoose Soomaaliya iyo is-waafijinta Tiirka Isbadalka Cimlada Qorshaha Horumarinta Qaranka (NTP) iyo Istaraajiyada Horumarinta UNEP ee Soomaaliya, taasi oo mudnaansiinayso sida ay uga go’an tahay Wasiirka iyo dowladda Soomaaliya la-tacaalidda Arrimaha Isbadalka Cimilada Deegganka iyo Maareyntooda.
Wasiirka Wasaaradda Deegganka iyo Isbadalka Cimillada Xukuumadda Federaalka Soomaaliya ayaa adkeeyay in la xoojiyo Xafiska Hay’adda Deegaanka Qaramada Midoobay u qaabilsan Soomaaliya ay ku leeyihiin in la xoojiyo isla markaana laga fuliyo howlaha horutabinta u leh dalkeena.
Ugu dambayn waxaa lagu ballamay in lasii xoojiyo wadashaqeynta iyo kullmada lagu horumariyo Arrimaha deegganka iyo Isbadalka Cimilada, si wax looga qabto arrimahaasi, waxaana lagu boggaadiyay daddaalada socda in tallaaboyinka wadajirka ah qeyb wayn laga qaato barnaamijyada la xariiro qodobada wadahadalka saldhiga u ahaa.
