Maanta oo ku beegan maalinta caalamiga ee afka hooyo 21 Feebaraayo dunida oo idil waxa laga xusaya ahmiyada afka, Soomaaliya munaasabada waa weyn oo loogu dabaal degayay ayaa lagu qabtay magaalada Muqdisho ee caasimada dalka.
Wasiirka Waxbarashada iyo Tacliinta sare ee xukuumada Federaalka Soomaaliya Cabdullaahi Goodax Barre oo ka hadlay dadaalka loogu jiro horumarinta afka hooyo ayaa sheegay in xukuumadu ka shaqeynayso sidii loo mideyn lahaa dhaqdhaqaaqyada kobcinta afka Soomaaliga.
Wasiir Goodax ayaa ugu mahad celiyay dowladda Jabuuti doorka ay ka qaadanayso horumarinta afka iyo sameyntii Akadeemiyad goboleedka Afka Soomaaliga.
Xukuumad ahaan wasiirka waxbarshada waxa uu tilmaamay inay ka shaqeynayaan tababarka shaqaalaha dowladda si qoraalada ka soo baxa xafiisyada dowladu noqdaan kuwa ku qoran af Soomaali sax ah.
