Wasiir ku-xigeenka Wasaaradda Isboortiga iyo dhallinyarada Mudane Cismaan Aadan Dhuubow iyo wafdi uu horkacayay ayaa socdaal shaqo ku tegay degmada Balcad, isagoo u kuurgalayay heerka is dhex galΒ eeΒ dhallinyada ku nool degmadaasi.
Tartan kubadda cagta oo loo qabtay afar kooxood oo ka kala yimid degmooyinka Afgooye, Jowhar iyo labo koox oo ka socotay degmada Balcad, waxaana kaalmaha koowaad iyo labaad ka galay tartankaas labadii koox ee ka socday Balcad.
Related posts
Intaas kadib ayaa munaasabad lagu qabtay xarunta Degmada oo ay kasoo qayb galeen masβuuliyiin iyo dadweynaha degmadaas waxa ay ku soo bandhigeen fanaaniinta barbaarta degmada Waaberi ee gobolka Benaadir Ruwaayad iyo heeso ka turjumayay joojinta tabriinka iyo wax soo saarka dalka.
Guddoomiyaha degmada Balcad Maxamud MaxamedΒ βSaneyβ oo ka hadlayay munaasabadda ayaa sheegay in dhallinyarada degmada Balcad ay yihiin kuwo ku xiran maamulka degmada.
Xildhibaan Qaasim Cali Nuur oo ka mid ah mudanayaasha Baarlamaanka Soomaaliya ayaa sheegay in degmada Balcad ay ka mid tahay magaalooyinka taariiqda kuleh isboortiga dalka, isagoo Wasaaradda dhallinyarada iyo isboortiga ka codsaday in ay ka taagerto agabka ay u baahan yihiin dhallinyarada ku nool degmada Balcad.
βWaxaad ogtihiin in degmadaan ay ka mid tahay degmooyinka taariiqda ku leh isboortiga Soomaaliya waxaa halkaan ka dhisnaa jiray naadigii Somali-tex oo aad ogtihiin heerkii ayΒ gaartay, waxaan kaloo codsanaynaa in Wasaaraddu ay dhallinyarada degmadaan ay u sameyso agabka ay u baahan yihiinβayuu yiri Xildhaan Qaasim.
Wasiir ku-xigeen ka Wasaaradda dhallinyarada iyo isboortiga xukuumadda Soomaaliya Cusmaan Aadan Dhuubow ayaa balan qaaday in dhallinyarada degmada Balcad ay ka caawin doonaan sara u qaadida isboortiga degmada,.
βWaxaan ka taageeri doonaa dhallinyarada degmadaan in ay helaan xuquuqda ay ku leeyihiin Wasaaradda iyo in la helo cayaartooy tayo leh oo Qaranka heer sare gaarsiiyo, waxayna noqon doonaan kuwo magac sameeyoβayuu yiri Wasiir ku-xigeenka Isboortiga.
Β
