Wasiir ku-xigeenka Maaliyadda Xukuumadda Federaalka ah ee Soomaaliya mudane Maxamud Xayir ayaa magaalada Abidjan ee dalka Ivory Coast uga qayb galay shirkii sanad laha ahaa ee Bankiga Horumarinta Africa,
Shirkaana ayaa ka duwanaa shirarkii hore, waxaana sanadkaan uu ku soo beegamay sanadguuradii 50-aad ee ka soo wareegatay asaaskii Bankiga Horumarinta Africa.
“Waxaa Abidjan ka dhacay shirkii sanadlaha ahaa Bankiga Horurinta Afirka “African Development Bank” iyo dabaal degii sanadguuradii 50aad ee ka soo wareegatay asaasaka Bakiga, waxaa kale ka dhacaday doorashadii Madaxweynaha Bankiga ee shanta sano ee soo socota, doorashada oo ku dhacday loolan adag ayaa waxaa ku guulasatay Dr. Akinwumi A. Adesina oo ka soo jeeda wadanka Nigeria, wuxuuna noqonayaa Madaxweynihii 8aad ee Bankiga loo doorto” ayuu yiri Wasiir Xayir.
Dhanka kale Wasiir ku-xigeenka Wasaaradda Maaliyadda Soomaaliya ayaa sheegay in doorashadaan ay muhiimad gaar ah u lehayd habsami u socodka shaqada adag oo uu hayo Bankigu Qaaradda Africa, iyo wadamada kale oo xubnaha ka ah, kuwaas oo gaaraya ilaa 80 Wadan, oo kaso kala jeeda Qaarada Afrika iyo Adduunka intiisa kale.
Wafdiga Soomaaliya uga qayb galay shirkaas ayaa xoogga saaray sidi loo heli lahaa wadamo hormuuud ka noqda cafinta deeynta lagu leeyahay Soomaaliya, oo hada meel fiican maraysa, waxaana wafdigu kulamo la qaatay Madaxda Bankiga, Wadama Soomaliya Daneeya, Ingiriiska, Norway, Sweden, Denmark, Mareykanka iyo Wadama IGAD.
