Wasiir ku-xigeenka Wasaaradda Warfaafinta ahna ku-simaha Wasiirka Mudane Cabdullaahi Colaad Rooble oo uu wehliyo Agaasimaha Telefishinka Qaranka Soomaaliyeed Mudane Cabdiraxmaan Yuusuf Sheekh Al-cadaalla ayaa maanta ka qeyb galay munaasabad shahaadooyin lagu guddoonsiiyay ardayda baratay cilmiga saxaafadda.
Tirada Ardayda shahaadooyinka la guddoonsiiyay oo isugu jira wiilal iyo gabdho ayaa waxaa ay gaarayaan 40 arday, kuwaasi oo muddo bil ah la barayay mihnadda saxaafadda, sida qorista wararka iyo habka wax loo jar jaro, waxaana sidoo kale a qeyb galay ururrada saxaafadda iyo xubno kale.
Related posts
Qaar ka mid ah masโuuliiyiinta ka qeybgalay xafladda ayaa bogaadiayay ardeyda baratay mihnadda saxaafadda, waxayna kula dar daarmeen in ay wax ay barteen bulshaada si wanagsan uga shaqeyn.
Madaxa howgalka Hayโadda Ralief International Xasan Cabdiqaadir Ciise ayaa xusay in dhalinyaradan la baray fursad ay bulshada wax ugu gudbin karaan.
Agaasimaha Telefishinka Qaranka Soomaaliyeed Mudane Cabdiraxmaan Sheekh Yuusuf Al-Cadaala ayaa tilmaamay in Warbaahinta Soomaaliyeed ay horumar wanaagsan ay sameysay sanadihii dambe, isla markaana gabdhaaha warfidiyeenada ku dhiiragaliyay doorka wanagsan ay ku dhaxleeyahiin Warbaahinta
Wasiir ku-xigeenka Wasaaradda Warfaafinta, dhaqanka iyo dalxiiska ee Xukuumadda Soomaaliya ahna ku-simaha Wasiirka Mudane Cabdullaahi Colaad Rooble ayaa hoosta ka xariiqay in Wasaaradda Warfaafinta ay hubin doonto habka hayโadaha ay tababarka u siiyaan suxufiyiinta, si loo helo suxufiyiin dhan waliba ka dhisan, waxaana uu intaa ku daray in Wasaaradda ay dadaal ugu jirto meel marinta hindise sharciyeedka saxaafadda.
Ardayda ayaa la guddoonsiiyay shahaadooyin.
ย 
ย 
ย 
Sawir Qaade:- Maxamed Cabdiweli
