Tababarkan waxaa Diiradda lagu saarayay sidii looga hortagi lahaa Qataraha iyo dhibaatooyinka ay wajahaan Saxafiyiinta Soomaaliyeed ,Iyo Doorka ay qadanayaan Guddiga ka shaqeeyo Arrimaha Badqabka Saxafiyiinta,Taaso ah mid ahmiyad weyn u leh Bahda Suxufiyiinta Ee Ka Howgalo Dalka,Waxana Soo agaasintay Wasaaradda Warfaafinta XFS oo kaashaneyso Hay”adda UNESCO.
Suxufiyiinta iyo mas’uuliyiinta Wasaaradaha Warfaafinta ee Dowlad Goboledyada Xubnaha ka ah Dowladda Federaalka Soomaaliya iyo bulshada Rayidka ee ka qeybaglayaay Tababarka ayaa si isku mid ah u sheegay in muhiim tahay sidii loo ilaalin lahaa badqabka suxufiga,Si Looga Hortago Tacdiyada loo geysto suxufiyiinta Soomaaliyeed.
Agaasimaha Guud Wasaaradda Warfaafinta Dowlad Gobaleedka Jubbaland Cabdishukri Carab Cumar iyo mas’uuliyiintii kale ee halkaasi ka hadashey ayaa sheegay in loo baahan yahay in suxufiyiinta Soomaaliyeed ay ka dheeradaan waxyaabaha keena karaa dhibaatooyinka,iyagoo dhiirogeliyay dadaalka wasaaradda warfaafinta Soomaaliya oo ku aadan sidii arrimahaasii ay xil isaga saari lahayd.
Agaasimaha Guud ee Wasaaradda Warfaafinta ,Dhaqanka Iyo Dalxiiska XFS Cabdiraxmaan Yuusuf Shekh (Al-Cadaala) ayaa ka warbixiyay Shaqada iyo dhismaha guddiga badbaadinta bad-qabka suxufiyiinta Soomaaliyeed.
“Dhismaha guddigan iyo shaqada ay tahay in uu qabto ma ahan wax Soomaaliya kaliya u yaala waa hab caalami ah oo ka socota dunida oo dhan,waa qaraar QM ay gaartay oo ah in dunida oo dhan looga abuuro hanaan farsamo oo la isla yaqaano oo ah halbeed lagu ilaaliyo badqabka saxafiga”. Ayuu yiri agaasime Cadaala.
Wasiir ku-xigeenka Wasaaradda Warfaafinta Dhaqanka iyo Dalxiiska XFS Aadan Isaaq Cali oo si rasmi ah u Daah-furaay Tababarka ayaa sheegay in wasaaradda Warfaafinta ay dowr weyn ka qadanayso sidii looga shaqeyn lahaa badqabka suxufiyiinta Soomaaliyeed.
“Bad-qabka saxafiga DFS sida aad ogtihiin wasaaradda Warfaafinta waxaa waajib ka saaran in ay u dhameystirto waxkasta oo kaabaya bad-qabka saxafiga,waqtiguna waa ciriiri waxaan idin leeyahay kal faa,ideysi wanaagsan”. Ayuu yiri Wasiir kuxigeenka Warfaafinta XFS.
Sanadkii Tagay ayaa la dhisay Guddiga badbaadinta Suxufiyiinta Soomaaliyeed,kaaso ka shaqeeya arrimaha bad-qabka suxufiyiinta,waxaana Tababarkan ka qeyb-galayay Suxufiyiin ka kala socday Warbaahinta Gaarka loo leeyahay,Kuwa Dowlad Gobaleedyada Dalka,xafiiska Xeer-Ilaalinta Guud ee Qaranka,Urrurada Bulshada Rayidka, Hay”addaha Dowladda Federaalka ee ka shaqeeyo arrimaha bad-qabka .
Dowaladda Soomaaliya oo dalka dib ugu soo celineyso muwaadiniin laga soo badbaadiyay biyaha Jasiiradda Madagascar
Dowladda Federaalka Soomaaliya ayaa sheegtay inay socdaan dadaalo dalka dib loogu soo celinayo muwaadiniin Soomaaliyeed oo laga soo badbaadiyay biyaha...
