Wasiir ku-xigeenka Wasaaradda Warfaafinta, Dhaqanka iyo Dalxiiska ee Xukuumadda Federaalka Soomaaliya Mudane Cabdiraxmaan Yuusuf Sheekh Al-Cadaala ayaa howl wadeenno ka tirsan waaxyaha Wasaaradda u furay tababar ku saabsan kaalinta dalxiiska ee Soomaaliya.
Tababarkan oo ay soo qaban qaabisay Waaxda tababarada ee Wasaaradda ayaa waxaa ka qeybgalay ku dhawaad 30 qof oo waaxyaha Wasaaradda. Matalayay.
Cabdiqani Maxamed Agaasimaha Waaxda Dalxiiska ee Wasaaradda Warfaafinta ayaa sheegay in ujeedka tababarka uu yahay sidii shaqaalaha tayadoodu ee xaga Dalxiiska sare loogu qaadi lahaa.
Agaasimaha Waaxda tababarrada iyo shaqaalaha ee Wasaaradda Warfaafinta Fartuun Axmed Xasan ayaa xustay in la joogteeyn doono tababarada la siinayo Shaqaalaha Wasaaradda qeybahooda kala duwan.
Wasiir ku-xigeenka Wasaaradda Warfaafinta ee Xukuumadda Federaalka Soomaaliya Mudane Cabdiraxmaan Yuusuf Sheekh Al-Cadaala ayaa hoosta ka xariiqay in Wasaaraddu ay ku howlantahay diyaarinta siyaasadda Qaran ee dhanka dalxiiska iyo diiwaangelinta goobaha dalxiiska ee dalkeenna, isagoo shaqaalaha ku booriyay inay tababarka ka faa’iideystaan muddada uu socdo.
Tababarkan waxaa goobjoog ka ahaa qaar ka mid ah Agaasime waaxeedyada Wasaaradda Warfaafinta, Dhaqanka iyo Dalxiiska Soomaaliya.
