Wasiir Ku xigeenka Wasaaradda Waxbarashada Hiddaha iyo Tacliinta Sare ee Xukuumadda Federaalka Soomaliya mundane Feysal Cumar Guuleed ayaa maanta magaalada Muqdisho ka daahfuray nidaamka muraajacada imtixaanka Qaranka dugsiyada sare.
Munaasabadda daahfurka nidaamka muraajacada oo uu goob joog ka ahaa Agaasimaha Guud ee Wasaaradda Waxbarashada mudane Axmed Xasan Yuusuf ayaa ahmiyad u leh ardayda isku diyaarinaya imtixaanka Qaranka, islamarkaana muhimadda koobaad lasiinayo in Ardayga imtixaanka galaya xilli hore uu sii ogaado heerka uu ka taagan yahay maaddada uu imtixaanka uu ka galayo si uu markale fursad ugu helo in dib u eegis uu ku sameeyo maaddada uu ku liito.
Casharada Muraajacada foom foorka ayaa ahaa mid ay si weyn uga faa’iideysteen ardaydii nasiibka u yeeeshay.
Wasiir ku-xigeenka Wasaaradda Waxbarashada Hidaha iyo Tacliinta Sare mudane Feysal Cumar Guuleed ayaa ardayda u jeediyay dar daaran ah inay ka faa’iidestaan muraajacada.
“Markii aan aragnay in sanadkii tegay ardaydii Imtixaanka galay ay aad u hooseysay in loo sameeyo muraajaco, si loo xusuusiyo maadooyinkii ay soo qaateen, ardayda waxaa la siin doonaa user sida loo siiyo oo kale role number ka imtixaanka, oo ay ku isticmaali doonaan maadooyinkii ay horey u soo dhigteen” ayuu yiri Wasiir kyu-xigeenka Waxbarashada.
