Wasaaradda Xanaanada Xoolaha Dowlad Gobaleedka Galmudug, ayaa kala wareegtay Hay’adda FAO Suuq loogu talagalay in lagu iibiyo xoolaha oo ay ka dhiseen dhawaan magaalada Gaalkacyo.
Suuqaan oo ah mid loogu talagalay iibka xoolaha iyo xanaaneeynto oo ay hirgalisay Hay’adda FAO oo ay maalgaliyeen Midowga yurub, ayaa maanta si rasmi ah loogu wareejiyay Wasaarada Xanaanada Xoolaha Dowlad Gobaleedka Galmudug.
Munaasabada Wareejinta Suuqaan oo ay kasoo qeybgaleen Masuuliyiinta ka tirsan Dowlad gobaleedka Galmudug oo uu horkacayay Wasiir ku-xigeenka Wasaaradda Xanaanada Xoolaha Galmudug Shariif Cabdinuur Barre iyo qaar ka mida Ganacsatada Xoolaha, Waxgaradka magaalada iyo Madaxda Ururada Haweenka.
Saraakiishii ka socatay Hay’adda FAO, ayaa iyaguna kula dardaarmay maamulka iyo bulshada reer Gaalkacyo in ay ka faa’ideeystaan Suqaaan,Loo dhisay ayna ka shaqeeyaan nadaafada suuqa.
Xildhibaan Maxamed Xuseen Tahliil Calool geel oo ka mida xildhibaanada Golaha Shacabka Galmudug, ayaa u mahadceliyay Hay’adda FAO iyo Wasaaarada xanaanada Xoolaha.
Ugu dambeyn Wasiir ku-xigeenka Wasaaradda Xanaanada Xoolaha Galmudug Shariif Cabdinuur Barre, ayaa si rasmi ah ula wareegay suuqaan isagoona sheegay in looga faa’iideeysan doono sidii loogu talagalay suuqa.
