Wasiirka Warfaafinta, dhaqanka iyo dalxiiska ee Xukuumadda Soomaaliya Mudane Maxamed Cabdi Xayir Maareeye iyo Wafdi uu hogaaminayo oo ay ka midyihiin Agaasimaha Telefishinka Qaranka Mudane Cabdiraxmaan Yuusuf Sheekh Al-Cadaala, Agaasimaha Radio Muqdisho Mudane Cabdirixiin Ciise Caddow, Agaasimaha Hobollada Qaranka ee Waaberi Mudane Maxamed Xasan Barrow, Madaxa Istuudiyeyaasha ee Telefishinka Fu’aad Muxidiin Khaliif iyo xubno kale ayaa maanta dalka dib ugu soo laabtay.
Wafdiga Wasiirka Warfaafinta ayaa waxaa garoonka diyaaradaha caalamiga ah ee Aadan Cadde ku soo dhaweeyay Wasiir ku-xigeenka Wasaaradda Warfaafinta, Agaasimaha Guud, agaasimayaasha waaxyaha iyo madaxda qaybaha kala duwan ee Wasaarada, waxaana uu Wasiirku ka warbixiyay socdaalkii ay ku tageen Dalka Kuwait.
“Waxa uu ahaa safar aad u qiimo badan, sida aan fileynay si ka sii fiican ayaa naloo soo dhaweeyay, taariikh fog ayaa naga dhexeysa dalka Kuwait gaar ahaan labada Wasaarad Warfaafin, Agaasimeyashii ila socday waxa ay heshiisyo sare loogu qaadayo Warbaahinta Qaranka ay la galeen agaasimeyaasha ay la kulmeen, sidoo kale hay’ado ka shaqeeya dhanka dalxiiska ayaan kulamo la qaadanay, kuwaasi oo aan ku casuunay inay dalka u
Wafdiga Wasiirka Warfaafinta ayaa safar qaatay muddo shan casho ah ku tegay Kuwait, waxaana ay kulamo gaar gaar ah la qateen mas’uuliiyiinta dalka Kuwait iyo madaxda safaradda Soomaaliya ee dalkaasi iyo jaaliyada Soomaalida, iyadoo socdaalkooda la xiriirtay xoojinta xiriirka saaxiibtinimo ee labada dal.
Sawir Qaade:-Farxaan Suleymaan Daahir
