Kormeerkan uu Wasiirka Amniga Puntland Axmed Cabdullaahi Yuusuf uu ku tegey Dekedda macmalka ah ee Bosaaso oo dhismeheedu socdo waxaa ku weheliyey Wasiirka Dekedaha ee dowlad goboleedka Puntland Siciid Maxmed Raagge Maamulka Gobolka iyo kan Degmada Bosaaso.
Wafdi ayaa soo indha indheeyay sida ay u socoto shaqada gabogabada ah ee lagu dhisayo Dekedda Macmalka ah iyo hawlaha samataxbitinta Hantida saaran doonida Xafiis oo habeenkii 8aad ku hoyatay xeebta Boosaaso.
Related posts
Wasiirka Amniga Puntland Axmed Cabdulaahi Yuusuf ayaa bulshada Bosaaso ku amaanay qorshaha ay kaga qayb qaadanayaan’ Dekedda macmalka ah ee degdega lagu dhisayo, waxaana uu dalbaday in la isku duubnaado oo shacabku ay dowladda kala shaqeyaan horumarka iyo amniga.
Mudane Axmed Cabdullaahi Yuusuf oo ka hadlayay falal amni daro ah oo todobaadkii la soo dhaafay ka dhacay Bosaaso ayaa xusay iney dunida kala simanyihiin weerarada amniga lidi ku ah ayna ku dedaalayaan xoojinta amniga
Kormeerka Wasiirka amniga ee dowlad Goboleedka Puntland ayaa ku soo aadaya xilli ay gabo gabo mareyso dedaalada lagu dhamaystiro Dekedda Macmalka ah ee Boosaaso’ ee laga barbar dhisay Dekedii hore, taasi ooย samayn teeda ay soo dedejisay doonida Xafiis oo ku soo caariday Xeebta Boosaaso.
