Wasiirka Cadaaladda Xukuumadda Federaalka ah Soomaaliya Mudane Xasan Xuseen Xaaji iyo Taliyaha Ciidanka Asluubta Soomaaliyeed Sareeyo Guud Bashiir Maxamed Jaamac, ayaa caawa casho sharaf u sameeyey Wasiiradda Cadaaladda Dowlad goboleedyada dalka ka jira.
Xafladaan Cashada ah waxaa kasoo qeyb galay Wasiirka Cadaaladda XFS, Taliyaha Ciidanka Asluubta, Xeer ilaaliyaha guud ee Qaranka, Wasiirada Cadaaladda Dowlad goboleedyada, Saraakiil ciidan iyo masuuliyiin kale.
Sidoo kale Xafladda waxaa Riwaayado iyo heeso wadani ah ku soo bandhigay Kooxda Hobolada fanaaniinta Onkod ee Taliska Ciidanka Asluubta Soomaaliyeed, kuwaasi oo aad ay ula dhaceen Madaxdii Xafladaan casho sharafta ah kasoo qeyb gashay.
