Wasiirka amniga gudaha ee Xukuumadda Soomaaliya ayaa ugu baaqay dhallinyarada weli ku harsan Maleeshiyaadka Al-shabaab inay ka waantoobaan ficilada xun xun oo ay sameeynayaan, isla markaana ay isku soo dhiibaan gacanta dowladda.
Mudane Cabdirisaaq Cumar Maxamed Wasiirka Amniga gudaha ayaa hoosta ka xariiqay in dowladda ay fursad siineyso dhalinyarada la marin habaabiyay ee ay qaldeen Ururka Gumaadka Ummadda Soomaaliyeed ee UGUS, ayna isku soo dhiibaan gacanta ciidamada dowladda, si ay u helaan mustaqbal wanaagsan.
“Dhalinyarada maskaxdooda la qalday waxaan leeyahay, ka waantooba ficilada xun xun ee aad sameyneysaan, inta ku hartay kooxda Shabaab ee caqliga leh waxaan leeyahay ka faa’iideysta fursadda aad haysataan, ganacsatada waxaan ugu baaqayaa in dadka gaadiidka hortooda dhiganaya ay iska hubiyaan” ayuu yiri Wasiirka Amniga.
