Muqdisho, June 02, 2017 – Wasiirka Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya Mudane Yusuf Garaad Cumar Axmed ayaa munaasabad afur-siin Ramadaan ah u sameeyay Safiirrada Wadamada Islaamka, kuwa carbeed iyo qaar ka mid ah dalalka Afrika.
Munaasabadan ayaa waxaa ka qeybgalay Wasiiru dowlaha Arrimaha Dibadda iyo Iskaashiga Caalamiga Mudane Cabdiqaadir Axmed Kheyr Cabdi, Wasiiru dowlaha Xafiiska Ra’iisul wasaaraha Mudane Cabdullaahi Xaamud Maxamed iyo qaar ka mid ah agaasimayaasha Waaxyaaha Carabta iyo habmaamuuska ee Wasaaradda.
Wasiirka Arrimaha Dibadda iyo Iskaashiga Caalamiga Danjire Yuusuf Garaad Cumar Axmed ayaa ka hadlay fadliga ay leedahay bisha barakaysan ee Ramadaan, isaga oo sheegay inay tahay bil kheyr oo la xoojiyo cibaadada, samafalka, xushmadda u dhexeysa bani’aadamka iyo wax waliba oo ka shaqeynaya ka guul keenidda nabadda, deganaanshaha iyo horumarka.
Wasiirku waxa uu uga mahad-celiyay danjirayayaasha wadashaqeynta dhow ee ay la leeyihiin Wasaaraddiisa iyo guud ahaan dowladda.
Dhankooda, danjirayaasha ka qeybgalay munaasabadan ayaa waxa ay ka mahadceliyeen casuumaada iyo marti soorka loo fidiyay, waxa ayna bogaadiyeen howlaha wax ku oolka ah ee ay dowladdu ugu adeegeyso dalkeeda iyo dadkeeda.
